Գեղեցիկ ծաղկեպսակ թիթիզիկ աղջիկների համար.
Անհրաժեշտ է՝ գունավոր թուղթ, քանոն, մատիտ, թղթի սոսինձ, սոսնձի վրձին, մկրատ։
Կարմիր ու դեղին թղթերից կտրի 3-4սմ տրամագծով շրջաններ՝ յուրաքանչյուր ծաղկի համար երկուական։ Երկնագույն ու վարդագույն թղթերից կտրի 10սմ երկարությամբ և 1սմ լայնությամբ երիզներ։
Երիզները մեջտեղից ծալի երկու մասի և դրանք սոսնձի օգնությամբ ամրացրու շրջաններին, կարծես երիցուկի ծաղկեթերթեր լինեն։ Երկնագույն թերթիկները կպցրու դեղին շրջաններին, իսկ վարդագույնները՝ կարմիրներին։
Չափիր գլխիդ տրամագիծը և կանաչ թղթից կտրի անհրաժեշտ երկարությաներիզ՝ մոտ 2սմ լայնության։ Եթե թուղթը փոքր է, ապա գլխադիրը կարելի է պատրաստել 2 կտորից։ Երիզի ծայրերը սոսնձի իրար այնպես, որ ստանաս գլխադիր։
Վառ կանաչ թղթից կտրատի տերևները, որոնք պետք է լինեն ծաղկեպսակի համար նախատեսված ծաղիկների քանակին հավասար։ Յուրաքանչյուր ծաղկի տակ սոսնձի տերևը։
Տերևներով ծաղիկները սոսնձի օգնությամբ ամրացրու գլխադիրի վրա։
Ծաղկեպսակը պատրսատ է.
