Հայտնվելով բնության գրկում, երեխաների ամենասիրելի զբաղմունքներից մեկը ծաղիկներ հավաքելն ու դրանցից ծաղկեպսակ հյուսելն է։ Այսօր մենք կսովորենք հյուսել ծաղկեպսակ։
Ծաղկեպսակ հյուսելու համար անհրաժեշտ է հավաքել երկար ցողուններով լիքը ծաղիկներ։ Հյուսքը սկսում ենք, ինչպես մազերը հյուսելիս՝ 3 ճյուղից։ Հյուսքի առաջին հանգույցն անելուց հետո կենտրոնական ցողունին ավելացնում ենք չորրորդ ծաղիկը և այդպես անում հյուսքի երկրորդ հանգույցը.
Այսպես հաջորդաբար կենտրոնական ցողուններին ավելացնում ենք ծաղիկ և հանգույց անում։
Հյուսքերը պետք է ձիգ անել, որպեսզի ծաղիկները կպած լինեն պսակին և դուրս չթռնեն։ Հյուսքի ընթացքում դուրս մնացած ցողունների ծայրերը կտրում ենք.
Գլխի չափով հյուսելուց հետո պսակի ծայրերն իրար ենք ամրացնում ծաղկի գլխիկներն իրար «փաթաթելով» կամ թելի օգնությամբ։
Պսակը պատրաստ է, այն կարելի է գլխին դնել.
Ահա ծաղկեպսակ հյուսելու մեկ այլ տարբերակ.
