Մեկանգամյա օգտագործման գդալներից այսօր կպատրաստենք ձնծաղիկներ։
Անհրաժեշտ են՝
մեկանգամյա օգտագործման գդալներ, պլաստիլին, փոքրիկ տարա կամ բաժակ, գունավոր թուղթ, մկրատ
Որպես ձնծաղիկների ծաղկաման կարող է ծառայել ձեռքի կամ դեմքի քսուկի դատարկ տարան.
Տարան կարելի է օգտագործել այնպես, ինչպես կա, կամ էլ այն դեկորացիաներով զարդարել, օրինակ գունավոր թելերով փաթաթել։
Քանի որ տարան սղլիկ է, ապա վրան փաթաթվող թելը կարող է չպահել, այդ իսկ պատճառով տարան նախապես պարուրում ենք սոսինձ պարունակող նյութով (դա կարող է լինել սովորական սոսինձ կամ սկոտչ, որը տարային փաթաթվում է սոսնձվող երեսը դեպի դուրս)
Տարայի վրա փաթաթենք նախապես պատրաստված թելերը.
Որպեսզի ձնծաղիկները ամուր մնան տարայի մեջ, տարայի հատակին ամրացնենք պլաստիլինի հաստ շերտ և լավ սեղմենք այն.
Ձնծաղիկների ծաղկամանն արդեն պատրաստ է։ Այժմ սկսենք գդալներից պատրաստել ձնծաղիկները.
Մկրատի օգնությամբ գդալի պոչը կտրենք (պոչը հանկարծ չնետեք, այն ցողուններ պատրաստելու համար պետք կգա.
Այժմ պլաստլինի կանաչ կտորից պատրաստենք նման բուրգ.
Բուրգի հիմքին հերթականությամբ ամրացնենք գդալներից բաղկացած ծաղկաթերթիկները.
Պատրաստենք նման 3-5 ծաղիկ.
Ցողունը պատրաստելու համար գդալի պոչը փաթաթենք կանաչ թղթով և ծայրն ամրացնենք սոսնձով, որպեսզի թուղթը չքանդվի.
Ցողունն ամրացնենք ծաղկին.
Նման կերպ պատրաստում ենք մյուս ծաղիկների պոչերը ևս։
Որպեսզի փունջը գեղեցիկ ստացվի, ցանկալի է ծաղիկներին տարբեր բարձրություններ տալ։ Դրա համար գդալի պոչերը մինչև կանաչ թղթով փաթաթելը կարճացրեք 1-3սմ-ով։
Պատրաստի ծաղիկները ամրացրեք ծաղկամանի հատակին կպցված պլաստլինին։ Կանաչ թղթից կտրեք նեղ-երկար տերևներ։ Դրանք ամրացրեք ծաղկամանին՝ ներսի կողմից։ Ծաղկեփունջը պատրաստ է։
