Խմիչքների պլաստիկ շշերն այն թափոններից են, որոնց քայքայման համար անհրաժեշտ են հարյուրավոր տարիներ։ Դրանք նաև չեն ենթակա չեն վերամշակման։ Սակայն այդպիսի թափոնները կարելի է նաև արդյունավետ օգտագործել՝ դրանցով բազմազան գեղեցիկ իրեր պատրաստելով։ Այսօր պլաստիկ շշերից պատրաստելու ենք թևնոց։
Թևնոց պատրաստելու համար անհրաժեշտ է՝ պլաստիկ շիշ, մկրատ, գրասենյակային դանակ, սիլիկոնե սոսինձ, ինքնակպչուն գունավոր ժապավեն, բազմերանգ կտորներ ու ժանյակներ։
Աշխատանքի ընթացքը.
1. Ինքնակպչուն ժապավենը փաթաթում ենք շշի վրա և դանակի օգնությամբ կտրում այդ հատվածը.
Ստանում ենք ահա այսպիսի օղ.
2. Մկրատի օգնությամբ օղը կտրում ենք և հարմարեցնելով ձեռքի չափին՝ փոքրացնում։ Կրկին անգամ փաթաթում ենք ինքնակպչուն ժապավենով։
3. Սկսում ենք «զարդարել» թևնոցը։ Դրա համար վերցնում ենք որևէ ձգվող կտորի երիզ, օղի վրա սիլիկոնե սոսնձով այն ամրացնում և սկսկում կտորը փաթաթել օղի վրա։ Վերջում կտորի ծայրը սիլիկոնե սոսնձի օգնությամբ ամրացնում ենք.
4. Թևնոցը պատրաստ է։
Աշխատեցնելով երևակայությունը կարելի է նման կերպով տարբեր գեղեցիկ թևնոցներ ստանալ.
EREVAKAYUTYAN DEPQUM KARELI E ISKAPES ETAKRKIR AKSESUARNER STANAL,SHNORHAKALUTYUN.
Դե, պատրաստեք ու նկարի հղումը տեղադրեք, մենք էլ տեսնենք ու հիանանք, և հասկանանք, որ անօգուտ չի մեր գործը 🙂