Սովորենք պատրաստել թևնոց։
Անհրաժեշտ են հուլունքաշարեր, գունավոր թելեր, մկրատ, առանձին հուլունքներ.
Հուլունքների շարանից կտրում ենք 2 հատված՝ դաստակի տրամագծով.
Շղթաները դնում ենք իրար կողք, ապա վերցնում գունավոր թելից մոտ 70սմ եկարությամբ և այն տեղադրում շղթաների տակը, ինչպես ցույց է տրված նկարում.
Հանգույցի միջոցով շղթաները թելով կապում ենք իրար (թելերի եզրերից մեկը պետք է մյուսից մոտ կիսով չափ երկար մնա).
Բռնելով թելի երկար ծայրը, այն զիգզագաձև փաթաթում ենք հուլունքների շղթայի վրա՝ թելն անցկացնելով հուլունքների արանքով.
Հասնելով շղթայի վերջը, ավելացած թելին շղթայի մոտից կապում ենք նույն երկարության մեկ ուրիշ թել և սկսում փաթաթել հակառակ ուղղությամբ.
Արդյունքում ստանում ենք ահա այսպիսի շղթա.
Այժմ պետք է շղթայի եզրերը իրար միացնենք և պատրաստենք ձեռքի չափի կարգավորման համակարգ։ Այն իրականացնելու համար օգտվելու ենք մաքրամեի ամենատարրական հանգույցներից՝ թելերը միմյանց վրա հանգույցներով կապելով։
Շղթան դնում ենք նկարում ցույց տրված դիրքով։ Ներքևի թելերը բարձրացնում ենք վերև, իսկ վերևի թելերը բաժանում ենք 2 մասի և ներքևի թելի վրա դնում նկարում բերված ձևով, այսինքն մի ճյուղը գցում ենք կիսաշրջանաձև դիրքով ներքևի թելի վրա, իսկ վերևի թելերից մյուս հատվածը գցում ենք դրա վրա։
Ամենավերևում գտնվող թելը անցկացնելով ներքևից եկող թելի տակ, դուրս ենք հանում կիսաշրջանի միջով.
Ձգում ենք հանգույցը մինչև շղթայի ծայրը, և կրկնում նույն գործողությունը՝ այս անգամ մյուս կողմի թելը թողնելով վրայից.
Կատարում ենք նմանատիպ 8-10 հանգույց՝ հերթով փոխելով, հանգույցների ուղղությունը (աջակողմյան թելը վերև, հետո՝ ձախակողմյանը)։
Ստացված հանգույցների շարքի մեջ շղթայի ներքևից եկող թելը ազատ վիճակում է գտնվում և նրա վրայի հանգույցները կարող են շարժվել, եթե զգուշությամբ քաշենք ծայրից։ Դա թույլ է տալիս թևնոցը հեշտությամբ հագնել-հանել և հարմարեցնել ձեռքի չափսին։
Թելի ճյուղերից յուրաքանչյուրի վրա հագցնում ենք հուլունքներ, ապա թևնոցից մոտ 2-3 սմ հեռավորության վրա հանգույցներ անում՝ հուլունքը թողելով հանգույցի և թևնոցի միջև։ Ավելորդ թելերը կտրում ենք.
Ստացվում է գեղեցիկ թևնոց.
լավն էրրր․․․․․․․․․․ապրեքքք