Պատրաստենք գեղեցիկ բացիկներ հայրիկի համար.
Անհրաժեշտ են՝ գունավոր թղթեր, գունավոր մատիտներ, մկրատ, սոսինձ, ստվարաթուղթ, ստվարաթղթե գլան, սև հասարակ մատիտ։
Բացիկ՝ «Գրկում եմ քեզ»
Գունավոր թղթի վրա գծում ենք ձեռքի հետքերը, ապա կտրում դրանք.
Վերցնում ենք ստվարաթուղթ, որը կլինի բացիկի կազմը, ծալում այն հավասար մասերի, մեջը ամրացնում ենք մի քիչ փոքր այլ գույնի գունավոր թուղթ.
Գունավոր թուղթը ծալում ենք 2 մասի, վրան նկարում հագուստի կեսը։ Հիշեք, որ գեղեցիկ ստացվելու համար հագուստի թևքերը պետք է ավելի լայն լինեն, քան նախօրոք կտրված ձեռքերի դաստակները.
Սպիտակ կամ բաց գույնի թղթի վրա նկարում ենք դեմքը, ապա կտրում այն.
Այժմ գլուխը սոսնձում ենք բացիկի կազմի մեջ այնպես, որ վզից վեր հատվածը բարձր լինի նախօրոք ամրացրած գունավոր թղթից.
Սոսնձում ենք կտրված ձեռքերը, ապա՝ հագուստը.
Ստացված պատրաստվածքի ներքևի հատվածում բաց թղթի երիզ ենք ամրացնում, վրան գրում բարեմաղթանքներ.
Ձեռքերը կարելի է ծալել դեպի ներս՝
Բացիկը ծալում ենք և ձևավորում բացիկի արտաքին կողմը՝ ըստ ցանկության։
Հուշ ավտոմեքենա.
Ստվարաթղթե գլանից կտրում ենք 2 հատ 1սմ լայնություն ունեցող օղեր և ներկում դրանք սև կամ մոխրագույն։ Ստանում ենք ավտոմեքենայի անիվները։
Հաստ ստվարաթղթից կտրում ենք կոր անկյուններ ունեցող ուղղանկյուն և համեմատաբար մեծ ձվաձև։ Դրանց վրա ամրացնում ենք գունավոր թուղթը, իսկ վերին հատվածի վրա՝ նախօրոք ընտրած լուսանկար.
Ներքևի հատվածում ամրացնում ենք լուսարձակներն ու անիվները։ Ամրացնում ենք սպիտակ թղթից պատրաստված պետհամարանիշը։
