Սովորենք ծեփել արջուկ՝ պլաստիլինից.
Անհրաժեշտ է՝
շագանակագույն և սև պլաստիլին, կոճակ, ատամմաքրիչ փայտիկ
1. Պատրաստում ենք արջուկի ձվաձև մեծ իրանը։
2. Գլուխը ծեփելու համար գունդ ենք պատրաստում, փոքր ինչ սեղմում ենք և վրան ամրացնում մռութը, որը ևս պատրաստվում է գնդի ձևով, բայց համեմատաբար փոքր է ու մի փոքր այլ երանգի։ Ավելացնում ենք աչքերն ու քիթը (քիթը կարելի է պատրաստել ինչպես սև պլաստիլինից, այնպես էլ կոճակ ամրացնել)։ Ականջները պատրաստում ենք սեղմված-տափակացրած գնդերից և ամրացնում գլխի վերին հատվածում։ Գլուխն ամրացնում ենք մարմնին, իսկ ամրացման հատվածը ծեփի միջոցով հարթեցնում.
3. Ներքևի թաթերը պատրաստելու համար փոքրիկ գնդեր ենք պատրաստում, փոքր-ինչ սեղմում և ատամմաքրիչ փայտիկի օգնությամբ մատները «նկարում»։ Թաթերն ամրացնում ենք մարմնի ներքևի մասին այնպես, կարծես արջուկը կանգնած լինի.
4. Վերևի թաթերը պատրաստում ենք գլանի ձևով, ներքևի հատվածում փոքր-ինչ սեղմում և երկարությամբ կպցնում արջի իրանին.
Արջուկը պատրաստ է.
