Գունավոր թղթից պատրաստվող աստղիկները կարող են շատ գեղեցիկ զարդարել տունն ու տոնածառը։ Այսպիսի աստղիկներ պատրաստելը բավականին հեշտ է և շատ քիչ պիտույքներ է պահանջում։
Աստղիկներ պատրաստելու համար անհրաժեշտ են՝ երկկողմանի գունավոր թղթեր, ստեպլեր, մկրատ, քանոն, սև հասարակ մատիտ, թել։
Վերցնում ենք 15×30սմ չափերով ուղղանկյուն գունավոր թուղթ։
Թուղթը ծալում ենք մեջտեղից։
Բացում ենք ծալքը, ապա յուրաքանչյուր քառակուսի հատվածը մեկ անգամ ևս ծալում ենք հավասար մասերի.
Այժմ հերթով պետք է մեջտեղից ծալենք յուրաքանչյուր ուղղանկյունը։ Դրա համար բացում ենք թուղթը և սկսում ծալելը (նախկին ծալքերը կրկին անգամ ծալվում են դեպի հակառակ կողմ)։
Այժմ ստացված ծալքերով թուղթը հավաքում ենք և մեջտեղը գտնելու համար մեկ անգամ ևս ծալում.
Ստեպլերի օգնությամբ կենտրոնից ամրացնում ենք պատրաստվածքը.
Յուրաքանչյուր ծայրից քանոնի օգնությամբ չափում ենք 1.5-2սմ լայնությամբ հատված և մատիտի օգնությամբ այդ կետը միացնում հանդիպակաց անկյանը.
Ստացված հատվածները մկրատի օգնությամբ կտրում, հեռացնում ենք։
Պատրաստվածքի վերջին թերթիկներն իրար ենք մոտեցնում և ստեպլերի օգնությամբ ամրացնում.
Աստղիկը պատրաստ է.
Սոսնձի օգնությամբ թել ամրացնելով աստղիկների անկյուններից, կարելի է գեղեցիկ կախազարդեր ստանալ և զարդարել տունը։
Shat lav kayqa…shat banerem sovorel u patrastel.
Շնորհակալություն։ Հաճելի է օգտակար լինելը 🙂