Շատ քիչ նյութերից կարելի է ստանալ բազմերանգ գեղեցիկ թևնոցներ։
Անհրաժեշտ են.
բարակ մետաղալարից պատրաստված թևնոցներ կամ բարակ մետաղալար, հուլունքով շղթաներ (որոնց մեջ մի 2-3մմ արանքներ կան), մուլինե մետաքսյա գույնզգույն թելեր։
Թևնոցի պատրաստման հիմնական գաղափարը կայանում է նրանում, որ հուլունքների շարանը գեղեցիկ թելերի օգնությամբ պետք է ամրացնենք մետաղյա օղին։
Պատրաստեք անհրաժեշտ իրերը։ Եթե թևնոցը պատրաստի չէ, ապա մետաղալարից բազուկից մի քիչ մեծ չափով օղ պատրաստեք։
Հուլունքների շարանը դնենք մետաղալարի վրա և մետաքսյա թելը մի քանի անգամ պտտեցնելով հուլունքների արանքով, շարանն ամրացնենք մետաղյա օղին։
Նման ձևով փաթաթվում է ամբողջ օղը։
Վերջում հուլունքների շարանի ծայրերն իրար վրա բերենք ու այնպես փաթաթենք թելով, որ միացման կետն աննկատ դառնա։ Փաթաթվող թելի ծայրերը հանգույց անենք և ավելորդ թելի հատվածները հեռացնենք մկրատի օգնությամբ։
wwow