Ձեռնոցի և կինդեր-սյուրպրիզի պլաստմասսե ձվիկի օգնությամբ պատրաստենք ուրախ ծաղրածու։
Անհրաժեշտ է՝ ձեռնոց, կինդեր-սյուրպիրզի պլաստմասսե ձվիկ, կոճակներ, գունավոր թուղթ, թել և ասեղ, սոսինձ։
1. Ձեռնոցի վրա կարում ենք գունավոր կոճակներ կամ կտորից կտրված գունավոր կլորներ
2. Գլխի համար օգտագործելու ենք կինդեր-սյուրպրիզի պլաստմասսե ձվիկի մի կեսը։ Դրա վրա սոսնձում ենք աչքերը, քիթն ու ծիծաղկոտ բերանը (որոնք նախօրոք պատրաստում ենք գունավոր թղթից)
3. Ծաղրածուի գլխարկն ու մազերը կտրատում ենք թղթից։
4. Մազերը սոսնձում ենք գլխարկին, եզրերը ոլորում, ապա գլխարկին կոնի ձև հաղորդում ու ամրացնում կինդեր-ձվիկի վրա։
5. Օձիքը պատրաստում ենք հարմոնաձև ծալծլած թղթից, որի վրա ասեղով ռեզինե թել ենք անց կացնում։
Ցուցամատի և միջնամատի վրա հագնում ենք սկզբից օձիքը, ապա ծաղրածուի գլուխը։ Մատնեմատն ու ճկույթը ծալում ենք, իսկ բութ մատը դեպի դուրս բացում։
