Առաջին անգամ «Ես՝ արհամարհելիս» մուլտֆիլմի հերոս մինյոններին տեսնելիս, դրանք անմիջապես նմանեցվում են կինդեր-սյուրպրիզների խաղալիք ձվիկներին։ Իսկ դա նշանակում է, որ մինյոն պատրաստելը շատ հեշտ է։
Անհրաժեշտ է՝
կինդեր-սյուրպրիզի պլաստմասսե ձվիկը, դեղահաբերի 1-2 դատարկ տարաներ, սպիտակ թուղթ, սև ստվարաթուղթ, սոսինձ, վրձին, սև և կապույտ ներկեր։
Կտրում ենք դեղահաբի տարան՝ սոսնձելու համար եզրերից թողնելով 1-2մմ հարթ մակերևույթ։ Տարայի մակերեսի նման սպիտակ թղթից կտրում ենք շրջան (եթե մեր մինյոնն ունենալու է երկու աչք, ապա անհրաժեշտ է 2 հատ կտրել)։ Սև ստվարաթղթից կտրում ենք աչքի բիբը։ Այն տեղադրում ենք տարայի մեջ՝ սպիտակ թղթի և թափանցիկ թաղանթի արանքում։ Սպիտակ թուղթը սոսնձով ամրացնում ենք տարայի երիզներին, որը նախօրոք թողել էինք սոսնձելու նպատակով։ Աչքը պատրաստ է։ Թողնենք այն, որպեսզի չորանա։
Չորացած աչքը սոսնձի օգնությամբ ամրացնենք ձվիկին, ապա ներկերի օգնությամբ նկարենք մինյոնի հագուստը։
Մինյոնը պատրաստ է։
Մինյոն պատրաստելու այլ տարբերակներ.
Համեմատաբար մեծ տարիքի երեխաները մինյոնի հագուստը կարող են պատրաստել պլաստիլինից։ Աչքերը պատրաստվում են ինչպես առաջին տարբերակում։ Այս անգամ ավելի բնական տես է ունենում մինյոնը։
Կարի հետ սեր ունեցող երեխաները կարող են կարել հագուստը, ոտքերն ու ձեռքերը.
Կամ կարելի է մինյոնը պատրաստել հեյլունահյուսքի միջոցով։ Ձվիկի 1/3-ը հյուսվում է կապույտ գույնով, 2/3-ը՝ դեղին։ Այնուհետ գործվում են մինյոնի հագուստի կրծքավանդակի հատվածըն ու աչքերը։ Աչքերը կրկին պատրաստվում են ինչպես առաջին տարբերակում։
Աչքերը կարելի է ևս հյուսել՝ սպիտակ շրջանակի և վրան ամրացված սև հուլունքի տեսքով.
