Մոտ 10 րոպեում պատրաստվող այս մարդուկները կուրախացնեն ցանկացած փոքրիկի։
Անհրաժեշտ է՝
Գունավոր թուղթ, մկրատ, սոսինձ (էմուլսիա և սիլիկոնե սոսնձի ատրճանակ կամ սոսինձ «Մոմենտ»), մեկանգամյա օգտագործման պլաստիկե գդալներ (ցանկալի է գունավոր)։
Նախ և առաջ անհրաժեշտ է թղթե երիզներ պատրաստել, որոնք կունենան մոտ 0.7մմ լայնություն և 30սմ երկարություն։ Յուրաքանչյուր ձեռքի կամ ոտքի համար անհրաժեշտ է 2 նմանատիպ երիզ։
Երիզները կտրելուց հետո պատրաստենք ձեռքերն ու ոտքերը։
Վերցնում ենք տարբեր գույների երկու երիզ և հասարակ սոսնձով ուղիղ անկյան տակ (իրար ուղղահայաց) սոսնձում իրար։ Այնուհետ սկսում ենք հերթականությամբ դրանք ծալել, ինչպես ցույց է տրված նկարում (2 և 3 կետերը կրկնել այնքան, քանի դեռ երիզները չեն վերջացել)։ Վերջում հեռացնելով մնացորդները, երիզները էլի իրար ենք սոսնձում։
Ձեռքերը և ոտքերը պատրաստելուց հետո դրանք սիլիկոնե սոսնձի միջոցով ամրացնում ենք գդալին, որը կլինի մեր մարդուկի մարմինն ու գլուխը։
Մարդուկի պատրաստման վերջին փուլը գլխի ձևավորումն է։ Դրա համար կարելի է երեսին ամրացնել գունավոր թղթից պատրաստած աչքեր ու բերան, մազերի համար էլ գունավոր թուղթը մատիտի վրա փաթաթել և խոպոպիկներ պատրաստել։
