Կարգապահությունը բնության մեջ

Կարդացեք և հիշեք, թե ինչպե՞ս պետք է իրեն բնության մեջ պահի դաստիարակված, կարգապահ մարդը և այս խորհուրդները փոխանցեք ձեր ընկերներին։ – Դաստիարակված մարդը ծառերի ու թփերի ճյուղերը չի կոտրում, անտառային ծաղիկները չի քաղում։ Խոտի ծածկը պահպանում է խոնավությունը և ապրելու հնարավորություն է տալիս բազմաթիվ օգտակար միջատների ու մանր կենդանիների։
– Մի պոկիր քեզ անծանոթ, ինչպես նաև ծանոթ թունավոր սնկերը։ Դրանցից շատերը անտառի բնակիչների համար օգտակար են։
– Չի կարելի բռնել և տուն բերել անտառային կենդանիներին, միջատներին ու թռչուններին։ Նրանց համար մեր «զվարճանքը» հաճախ կարող է ավարտվել հիվանդություններով, տանջանքներով ու մահով։ Նրանք խաղալիքներ չեն։
– Պատահաբար կամ մտածված մի ավիրի մրջնաբույնը։ Մրջյունները չեն հասցնի մինչև ցրտերը վերանորոգել իրենց բնակարանը և կսատկեն։
– Եվ իհարկե՛, դաստիարակված մարդը բնության գրկում հանգստանալուց հետո իր հետևից աղբակույտ չի թողնի։