Թղթից պատրաստվող այս ծաղիկը կարելի է ամրացնել բացիկի կամ նվերի տուփի վրա։
Ծաղիկը պատրաստելու համար անհրաժեշտ է գունավոր թուղթ, կարկին, մկրատ, սոսինձ։ 
Կարկինի օգնությամբ թղթի վրա գծում ենք մոտ 7սմ տրամագծով շրջանագիծ, ապա կտրում նման չափով 8 շրջան (7-ը ծաղկի թերթիկի համար, 1-ը՝ որպես հիմք)։
Ծաղկաթերթիկը պատրաստելու համար վերցնում ենք մի շրջանը, այն ծալում մեջտեղից, ապա ստացված կիսաշրջանը մեկ անգամ ևս ծալում ենք մեջտեղից.
Բացում ենք վերջին արված ծալքը, ապա ծալքի մի կողմն ընկած հատվածը մեկ անգամ ևս ծալում՝ մինչև ծալքի գիծը.
Արտաքին փոքրիկ կտորը անկյունաձև ծալում ենք դեպի դուրս.
Ապա հետևի մեծ հատվածը ծալում ենք դեպի հետ այնպես, որ նրա ծալքը համընկնի, վերջին կատարված անկյունաձև ծալքին.
Ծաղկի թերթիկը պատրաստ է:
Նման ձևով պատրաստում ենք ևս 6 թերթիկ:
Վերջին շրջանի վրա սոսինձ ենք քսում և պատրաստի թերթիկները ամրացնում վրան.
Վերջում ծաղկի կենտրոնում դնում ենք որևէ հուլունք կամ թղթե գնդիկ: Ծաղիկը պատրաստ է.
