Քվիլլինգ տեխնոլոգիայով պատրաստենք հրեշտակ։ Այս հրեշտակի պատրաստման եղանակը բավականին պարզ է և հեշտ։
Անհրաժեշտ է գրասենյակային սպիտակ թղթի 2-3մմ լայնությամբ երիզներ, սոսինձ, ցանկության դեպքում նաև փայլ՝ գլիտտեր։
1. Սպիտակ թղթե երիզը մեջտեղից ծալում ենք.
2. Սոսնձի օգնությամբ եզրերը կպցնելով, արցունքաձև դետալ ենք ստանում.
3. Պատրաստում ենք նմանատիպ 8 դետալ.
4. Սոսնձով այդ դետալներն ամրացնում ենք իրար.
5. Թևերի համար պատրաստում ենք 2 կետում բերված դետալից, բայց այս անգամ որպես հիմք օգտագործելով երիզի կեսը։ Այն ծալում ենք հավասար մասերի և սոսնձով ստանում դետալ։ Պատրաստում ենք 2 թև և ամրացնում 4-րդ կետում ստացած դետալին.
6. Գլուխը պատրաստելու համար 2 երիզ իրար ենք սոսնձում և ձիգ պարույր պատրաստում։
7. Ձեռքերը վերջնական տեսքի բերելու համար պատրաստում ենք 2 ոչ շատ ձիգ պարույր՝ յուրաքանչյուրը երիզի կես հատվածից, ապա դրանք մատների ծայրերով թեթևակի սեղմում.
8. Ստացված դետալները սոսնձի օգնությամբ ամրացնում ենք ձեռքերին.
9. Այժմ անցնենք հրեշտակի թևերը պատրաստելուն։ Թևերից յուրաքանչյուրի համար նախօրոք իրար ենք ամրացնում 2 սպիտակ երիզ, ապա դրանցից թույլ պարույրներ պատրաստում.
10. Թեթևակի սեղմելով ստացված պարույրները մի կողմից, ստանում ենք կաթիլներ.
11. Ստացված կաթիլներն ամրացնում ենք հերշտակի ուսերին.
12. Պատրաստվածքը գրեթե պատրաստ է։ Սակայն այն բավականին փափուկ ու անկայուն է։ Այն պնդացնելու համար վրան վրձինով քսում ենք էմուլսիա սոսնձի և ջրի լուծույթ՝ 1։1 հարաբերությամբ։ Որոշ ժամանակ թողում ենք, որ սոսինձը չորանա։ Չորանալուց հետո այն կարելի է զարդարել փայլով՝ գլիտտերով.
Հրեշտակը պատրաստ է։ Այն կարող է գեղեցիկ տոնածառի խաղալիք դառնալ, կամ զարդարել տան պատուհանները.
