Պատրաստենք թրաշուշան թղթից։
Անհրաժեշտ է՝ երկկողմանի գունավոր թուղթ նարնջագույն (կարելի է կարմիր, սպիտակ, դեղին, վարդագույն) և կանաչ գույների, մետաղալար կամ սննդային երկար փայտիկ (մոտ 20սմ երկարությամբ), մկրատ, սոսինձ։
1. Գունավոր թղթից կտրենք երիզներ մոտ 30սմ լայնությամբ և 10սմ երկարությամբ կանաչ թղթից ու 30սմ երկարությամբ՝ նարնջագույն թղթից։ Երիզները մկրատի օգնությամբ դարձնենք ծոփքավոր (նարնջագույնն ուղիղ ծոփքերով, իսկ կանաչը՝ եռանկյունաձև).
2. Գործիքի օգնությամբ ոլորենք յուրաքանչյուր ծոփքը։ (Գործիքի փոխարեն կարելի է օգտագործել ճեղքված ատամմաքրիչ չոփիկը կամ ոլորել մատների օգնությամբ՝ նախօրորք յուրաքանչյուր ծոփքի ամենաեզրային հատվածը բութ մատի և ցուցամատի օգնությամբ սեղմած վիճակում ձգելով).
3. Մետաղալարի վրա աստիճանաբար ներքև իջնելով փաթաթենք նարնջագույն թուղթը.
4. Ապա կանաչ թուղթը։ Կստանանք գեղեցիկ թրաշուշան։
