Տրամաբանական հարցեր

Հետաքրքիր, տրամաբանական խնդիրներ ցածր դասարանի աշակերտների համար։

1. Ինչպե՞ս ջուրը տեղափոխել մաղով։
   
   Պատասխան

   Ջուրը սառեցնել, ապա տեղափոխել։
2. Ձին տեղափոխում է 10կգ ածուխ, իսկ պոնին՝ 10կգ բամբակ։ Ո՞ւմ բեռն է ավելի ծանր։
   
   Պատասխան

   Երկու բեռն էլ նույն քաշն ունեն։
3. Ի՞նչ կա երկրի կենտրոնում։
   
   Պատասխան

   «կ» տառը։
4. Ավտոմեքենայի ո՞ր անիվը չի պտտվում ընթացքի ժամանակ։
   
   Պատասխան

   Պահեստային անիվը
5. Երկնքում այն մի հատ է, քաղաքում՝ երկու հատ, իսկ երկրագնդում ընդհանրապես չկա։
   
   Պատասխան

   «ք» տառը
6. Ե՞րբ ենք նայում «2»-ին և ասում «10»։
   
   Պատասխան

   Ժամատախտակի վրա, երբ ժամացույցի մեծ սլաքը կանգնած է լինում 2-ի վրա։
7. Գրեք բանաստեղծություն տասնչորս տառով։
   
   Պատասխան

   բանաստեղծություն
8. Տղամարդը գնում է գնացքով և երազում տեսնում, որ նա նստած է հատակի վրա, իսկ հատակի տախտակները պոկվում ու ընկնում են ցած։ Ու միայն մի տախտակ է մնացել։ Ի՞նչ պետք է անի տղամարդը, որպեսզի չընկնի։
   
   Պատասխան

   Տղամարդը պետք է արթնանա։
9. Ո՞ր ծովում ջուր չկա։
   
   Պատասխան

   Այն ծովում, որը պատկերված է քարտեզի վրա։
10. Ի՞նչն է ատամներով հասնում ծոծրակին։
    
    Պատասխան

    Սանրը
11. Քայլում էին երկու մայր և երկու դուստր։ Նրանք գտան 3 խնձոր և բաժանեցին միմյանց միջև։ Յուրաքանչյուրը ստացավ մեկ խնձոր։ Այդ ինչպե՞ս։
    
    Պատասխան

    Քայլում էին թոռնուհին, մայրին ու տատիկը։
12. Ո՞վ է յուրաքանչյուրին ցույց տալիս իր դեմքը, բայց ինքը դեմք չունի։
    
    Պատասխան

    Հայելի
13. Որտե՞ղ է հնարավոր, որ ձին թռչի ձիու վրայով։
    
    Պատասխան

    Շախմատում
14. Իրար կողք այրվում են մի շքեղ և մի աղքատ տներ։ Ո՞ր տան հրդեհը առաջինը կհանգցնի ոստիկանությունը։
    
    Պատասխան

    Ոստիկանությունը հրդեհ չի հանգցնում։