Պլաստիլինի և խեցու օգնությամբ կրիա պատրաստելը կտևի ընդամենը մի քանի րոպե, բայց այդ խաղալիքը կարող է երկար ուրախացնել ցանկացած երեխայի։
Կրիա պատրաստելու համար անհրաժեշտ է փափկամորթի կիսագնդաձև կամ հովհարաձև խեցի։ Մարմինը պատրաստելու ենք բաց երանգի պլաստիլինից։
Պլաստիլինի օգնությամբ ծեփում ենք կրիայի մարմինը։ Այն ունի փոքրիկ գլուխ, երկար վիզ, 4 ոտք և փոքրիկ սրված պոչ։ Աչքերը կարող ենք պատրաստել մուգ գույնի պլաստիլինից, կամ հուլունք ամրացնել դրանց տեղը։ Բերանը պատրաստելու համար համապատասխան հատվածում դանակի օգնությամբ փոքրիկ ճեղք ենք բացում։
Մարմինը պատրաստելուց հետո վրան ամրացնում ենք կրիայի պատյանը։
