Շարունակում ենք ուսումնասիրել մրգային գեղեցիկ կոմպոզիցիաների պատրաստման եղանակները։ Այսօր կպատրաստենք ընձուղտ բանանից.
Անհրաժեշտ է՝
1 բանան, 1 նարինջ, սև և սպիտակ խաղող, մանդարին, դանակ, փայտե ձողիկներ
1. Ընձուղտի գլխի համար կտրեք բանանի սուր հատվածը.
2. Փայտե ձողիկների միջոցով գլուխն ամրացրեք ընձուղտի «վզին»։ Գլխի վրա փայտիկների օգնությամբ ամրացրեք խաղողի հատիկներ և կստանաք ընձուղտի կոտոշիկները.
3. Կոտոշիկների մոտ փոքրիկ ակոսներ արեք և դրանց մեջ դրեք մանդարինի, նարնջի կամ լիմոնի կտորներ։ Կստանաք ականջները։ (Ականջները կարելի է պատրաստել նաև լիմոնի կեղևից).
4. Աչքերը պատրաստվում են խաղողի հատիկների կեսերից՝ դրանք փայտիկների օգնությամբ ամրացնելու միջոցով.
5. Ոտքերը պատրաստվում են սև ու սպիտակ խաղողները հաջորդաբար շարելով փայտիկների վրա և դրանք ամրացնելով ընձուղտի իրանին.
6. Ընձուղտի պոչը պատրաստեք լիմոնի կամ նարնջի կեղևից.
7. Նարնջի կեղևից պարույր կտրեք և այն «հագցրեք» ընձուղտի վզին.
