Կենդանասեր բալիկների սիրելի ծնողներ 
Անկախ այն բանից, թե երեխան որքան է սիրում շներին կամ ինչ աստիճանի չի վախենում, կարևոր է, որ նա տիրապետի կենդանիների հետ շփվելու որոշակի կանոնների, որպեսզի հնարավորինս մինիմալի հասցվի երբևէ կենդանու հետ խնդիր ունենալը։
Կիսվում եմ լրիվ անծանոթ շների հետ ծանոթանալու/վարվելու կանոններով․
Չմոտենալ շանը, եթե շունը քնած է
քանի որ նախապես երբեք չես իմանա, թե շունն ինչպես է վերաբերվում երեխայի։ Միգուցե նրան ինչ-որ երեխա հարվածել է, նա զգուշանում է երեխաներից, ու աչքերը բացելուն պես մոտիկ երեխա տեսնելով կարող է ռեակցիան անսպասելի լինել
Շանը չմոտենալ և առավել ևս չսիրել հետևից
քանի որ շունը կարող է օրինակ լարված ինչ-որ բանի հետևելիս լինել, ու հպումից հանկարծակիի գա, ռեակցիան լինի անսպասելի
Չմոտենալ պատահական անցնող շանը, եթե նա ինքը քեզ պոչիկ շարժելով չի մոտենում
Եթե շունը պոչիկ շարժելով մոտեցավ, միանգամից ձեռքը չբարձրացնել սիրելու, քանի որ շանը կարող է թվալ, որ ցանկանում են իրեն հարվածել
Մոտեցող շանը նախ մեկնել ձեռքը, որ հոտոտի, նոր արդեն սիրել գլուխը
Սիրելիս դեմքը երբեք չմոտեցել շանը
քանի որ ժպտացող երեխային, որի ատամները երևում են, շունը կարող է ընկալել որպես ագրեսիայի նշան (շներն ագրեսիվ ժամանակ ցույց են տալիս իրենց ատամները)
Եթե շունը հաչալով մոտենում է, միանգամից կանգնել ու թողնել հանգիստ հոտոտի
կանգնելու և հոտոտել թողնելու դեպքում 95% հավանականությամբ շունը կհոտոտի ու կգնա կամ կմնա սիրվելու։ Իսկ փախչելու դեպքում 95% հավանականությամբ կընկնի նրա հետևից իր բնազդով, և եթե անգամ վնաս չլինի, երեխան կվախենա։
Երբեք չքաշել շան մազից, ականջից, պոչից
Տերով շներին սիրելուց առաջ պարտադիր տերերին հարցնել կարելի է, թե ոչ (քանի որ վիճակագրությունը ցույց է տալիս, որ կծման դեպքերի 70%-ը կապված են տերով շների հետ)։
շանը սիրելուց հետո միշտ հիշել, որ ձեռքերը պետք է լվանալ, քանի որ շունը կարող է պառկել հողի մեջ, և ինչպես հողի հետ խաղալուց հետո լվացվելն է կարևոր, այնպես էլ շանը սիրելուց հետո (և դա ոչ թե նրա համար, ոչ շունը կեղտոտ է, այլ նրա համար որ պետք է սովորեցնել լվացվել դրսում ցանկացած բանից հետ շփվելուց հետո)։
Եթե երեխաները իմանան այս կանոնները, շների հետ երբևէ խնդիր ունենալու ռիսկերը կլինեն գրեթե զրոյական։
Որքան էլ շատ սիրենք շներին, նրանք բանական էակներ չեն, նրանք կախված են մեզնից՝ մարդկանցից։ Նրանք մարդուն սիրում կամ չեն սիրում մեր՝ մարդկանց երեսից։ Շունը կարող է ընդհանուր երեխաներին չսիրել ընդամենը մեկ նրա հետ վատ վարված երեխայի պատճառով (մեր հասարակության տրամադրվածությունը հաշվի առնելով սա առավել է կարևորվում)։
Չի կարելի երբեք մեղադրել շներին, քանի որ մեզնից կախված ցանկացած կենդանի արարածի առաջացրած խնդիրների միակ մեղավորը մենք ենք՝ մարդիկ։ Մենք ենք ժամանակին վատ վարվել, լքել, հարցը թողել չլուծված և այլն, և այլն։ Կենդանին ընդամենը բնազդային էակ է, որը մարդու պատճառով է հայտնվել դրսում։
Կանոններ իմանալը միշտ օգտակար է։ Երեխաներին պետք է սովորեցնել ոչ թե չշփվել, վախենալ շներից, այլ պետք է սովորեցնել ճիշտ կանոններ և երեխային ապահովագրել ամբողջ կյանքի համար։
