Գառնուկներ մեր ձեռքերով

0
58

2015թ.-ի կենդանակերպի նշանը ըստ չինական օրացույցի խոյն է։ Այս հոդվածում կսովորենք պատրաստել գառնուկներ մի քանի տարբերակով։

Գառնուկ (խոյ) ձվից

Անհրաժեշտ է՝ ձու, սոսինձ, պլաստիլին, բամբակ1

1. Առաջին հերթին պետք է պատրաստել պատրաստվածքի հիմքը։ Լվացեք ձուն և նրա վրա ասեղի օգնությամբ հակառակ կողմերից 2 փոքր անցք բացեք։ Դատարկեք ձվի պարունակությունը և ձուն մեկ անգամ ևս լվացեք։ Թողեք, որ չորանա։

2

2. Ձվի կեսը պատեք սոսնձով և դրա վրա ամրացրեք բամբակի կտորը։ Բամբակն ուժեղ մի սեղմեք, որպեսզի խոյի մորթին փարթամ ու ծավալուն լինի։ 3

4

 

3. Պլաստիլինից պատրաստեք 2 բարակ գլանակներ և դրանցից պարույրների տեսքով խոյի պոզիկների պատրաստեք (եթե որոշեք ոչ թե խոյ, այլ գառնուկ պատրաստել, ապա կոտոշների փոխարեն ականջներ պետք է պատրաստել, քանի որ գառնուկը պոզեր չունի)։

 

5

Պլաստիլինից պատրաստեք 4 կարճ ու հաստ ոտիկներ և 2 աչքերը։ Պլաստիլինե դետալներն ամրացրեք պատրաստվածքի վրա։

0

Գառնուկ ականջի փայտիկներից

Անհրաժեշտ են՝ ականջ մաքրելու բամբակյա փայտիկներ, սոսինձ, մկրատ, հաստ ստվարաթուղթ, լվացքի ամրակներ։

1. Ստվարաթղթից ձվաձև և կլոր պատկերներ կտրեք (գառնուկի մարմինն ու գլուխը)։ Այժմ ականջի փայտիկները կտրեք և թողեք միայն բամբակե հատվածները։ Սոսնձի օգնությամբ, աստիճանաբար իրար վրա շարելով, ստվարաթղթի վրա ամրացրեք բամբակյա ձողիկները։

2

2. Բամբակյա կտորներից պատրաստեք գառնուկի գլխի կատարը, և ևս 2 փայտիկներից՝ ականջները։ Մատիտի կամ գրչի օգնությամբ նկարեք գառնուկի աչքերն ու բերանը։ Գլուխը սոսնձեք գառնուկի մարմնին։

3

3. Լվացքի ամրակները (կամ բամբակյա ձողիկների պլաստմասսե հատվածները) սոսնձեք գառնուկին՝ ոտքերի հատվածում։

4

Գառնուկը պատրաստ է.

0

 

 Գառնուկ Կինդեր-ձվիկի պատյանից և բամբակյա փայտիկներից

Անհրաժեշտ են՝ կինդեր-ձվիկի պատյան, բամբակյա փայտիկներ, սոսինձ, բիզ, մոմ, թելեր, բամբակ։

Եթե նախատեսում եք գառնուկը որպես տոնածառի խաղալիք օգտագործել, ապա նրա վրա անհրաժեշտ է կախելու հանգույց պատրաստել։

Մոմի վրա բիզը տաքացնելով, զգուշորեն անցքեր բացեք ձվիկի այն հատվածներում, որտեղ պետք է լինեն ոտքերը։ Բամբակյա փայտիկների վրայից հեռացրեք բամբակյա հատվածը և պլաստմասսե ձողերը հագցրեք անցքերի մեջ։

 

Այնուհետ սկսում ենք ձևավորել գառնուկին։ Տաք բզով անցքեր անելով, բամբակյա ձողիկների բամբակյա հատվածները նախօրոք սոսնձելով մտցնում ենք անցքերի մեջ։

Գլխի համար որպես հիմք պետք է ծառայեն 3 բամբակյա փայտիկներ։ Այդ փայտիկների վրա բամբակյա գունդ ամրացրեք, այն թրջեք սոսնձով և գլխի տեսք հաղորդեք։ Սոսնձի չորանալուց հետո գլուխը վերջնական տեսքի բերեք՝ պատրաստելով աչքերը, նկարելով քիթն ու բերանը։

Գառնուկը պատրաստ է.

ԹՈՂՆԵԼ ՊԱՏԱՍԽԱՆ

խնդրում ենք մուտքագրել Ձեր մեկնաբանությունը!
խնդրում ենք մուտքագրել ձեր անունը այստեղ