Երեխաների համար, երեխաների մասին

Ծեփ խմորից

Թաթիկ-Ձմեռ Պապիկ

tumb dzmer pap

Պատրաստենք բավականին հետաքրքիր հուշ-զարդ՝ «Թաթիկ-Ձմեռ Պապիկ»։ Կարդալ

Ծեփ խմորից. Ի՞նչ է հարկավոր աշխատանքի համար

Աղե խմորի բազմաթիվ բաղադրատոմսեր կան։ Օրինակ որոշների մեջ ավելացվում է բուսական յուղ։ Սակայն այդ դեպքում իրը յուղոտ մատնահետքերի պատճառ է դառնում։ Որոշ բաղադրատոմսերում խորհուրդ է տրվում ավելացնել վինիլային սոսինձ (էմուլսիա)։ Նման բաղադրատոմսով խմորի հետ աշխատելուց պետք է շատ զգույշ լինել, քանի որ փոքր երեխաները սիրում են ամեն ինչ համտեսել, իսկ սոսինձն ինքը թունավոր նյութ է։ Մեր բաղադրատոմսը 100% էկոլոգիապես մաքուր, հետևաբար անվտանգ նյութերից է բաղկացած (ջուր, ալյուր և աղ)։

PIC_002533

Ալյուր
Ալյուրը բնական նյութ է, որի որակը փոփոխվում է կախված աղացված հատիկի մանրությունից, հատիկի աճի եղանակային պայմաններից և այլն։ Աղե խմորի համար նպատակահարմարը ոչ բարձրորակ ալյուրներն են, որոնք ավելորդ վերամշակում չեն անցել, որոնց մեջ չկան հավելյալ նյութեր։ Ծեփի համար պարտադիր չէ, որ ալյուրը հագեցած լինի վիտամիններով և փխրեցուցիչներով։ Աղե խմորի համար ամենահարմարը ցորենի ալյուրն է։ Աշորայի ալյուրից խմորների դեպքում մեծ անցքեր են առաջանում, և այն չորացնելը դժվար է, իսկ խմորը աշխատանքի համար բավականաչափ պինդ է։

Աղ
Աղը խմորի մեջ ավելացվում է բացառապես կրծողներից ու վնասակար միջատներից պաշտպանելու նպատակով։ Այդ իսկ պատճառով դրա մեծ քանակություն առանձնապես հարկավոր չէ։ Աղի ավելցուկը կարող է չորացումից հետո իրին հաղորդել փխրունություն, որը կհանգեցնի ճաքերի առաջացմանը։ Կարելի է օգտագործել ցանկացած որակի աղ։

Հարկ է նշել, որ աղե խմորի հետ աշխատելուց անհրաժեշտ է որոշակի սենյակային ջերմաստիճան։ Օպտիմալ ջերմաստիճանը 20ºC է։ Ավելի բարձր ջերմաստիճանում խմորը արագ կչորանա և խմորը մշակելն ու դետալներն իրար միացնելը կդժվարանա։

Խմորի համար անհրաժեշտ է
– ալյուր 2 բաժին
– աղ 2 բաժին
– ջուր (պարտադիր սառը) 1 բաժին
– պոլիէթիլենային փաթեթ՝ խմորը պահելու համար

Խմորի հետ աշխատանքի համար անհրաժեշտ է՝
-փոքրիկ ամանով ջուր՝ մատը կամ վրձինը թրջելու համար
-պլաստմասսե դանակ
-ծեփի տախտակ
-գրտնակ խմորը բացելու համար
-վրձիններ
-ներկեր
-ատամի չոփիկներ
-կլոր ծայրերով մկրատ
և այլն։

Ծեփ աղե խմորից

Խմորը տարբեր ձևանմուշներ ու կոմպոզիցիաներ ծեփելու համար բավական ճկուն, փոփուկ ու նուրբ նյութ է։ Ի տարբերություն հասարակ պլաստիլինի, այն չի կպչում ձեռքերին։ Ճիշտ բաղադրության դեպքում աղե խմորը չի փշրվում, չի ճաքում և պահպանվում է բավական երկար ժամանակ։ Հարկ է նշել, որ անփույթ վերաբերմունքի նկատմամբ այս նյութը բավական փխրուն է։

soltesto0-1

Այս նյութի հետ աշխատելիս հարկավոր չէ որևէ հատուկ գործիք ու հարմարանք։ Ամենահարմարը այն ձեռքերով ծեփելն է։ Նշենք, որ խմորից պատրաստված իրերը բավական ծանր են, որն էլ պատճառ է հանդիսանում, որ խմորից մեծ իրեր չպատրաստվեն։

Աղե խմորի բաղադրատոմսեր

1239913036_dscn1907

Աղե խմոր պատրաստելու բաղադրատոմսերը շատ-շատ են։ Որպեսզի խմորը հարմար լինի աշխատելու համար, պետք է ինքներդ փորձարկեք և գտնեք ձեր աշխատանքի համար համապատասխան բաղադրատոմսը։

Կարդալ