Տրամաբանական խնդիրներ նախադպրոցական տարիքի երեխաների համար

1. Արամը մեծ ու քաղցր խնձոր կերավ, իսկ Աշոտը՝ մեծ ու թթու։ Ի՞նչ նմանություն և տարբերություն կա խնձորների միջև։
Նմանությունը՝ երկու խնձորն էլ մեծ էին։ Տարբերությունը՝ մի խնձորը քաղցր էր, մյուսը՝ թթու։

2. Անին ու Աննան նկարներ էին նայում։ Մեկը ամսագրի մեջ, մյուսը՝ գրքի։ Ինչի՞ միջի նկարներն էր նայում Անին, եթե Աննան ամսագրի նկարները չէր նայում։
Անին նայում էր ամսագրի միջի նկարները։

3. Սարոն ու Վահանը նկարում էին. մեկը տուն, մյուսը՝ տերևներով ճյուղ։ Ի՞նչ էր նկարում Սարոն, եթե Վահանը տուն չէր նկարում։
Սարոն նկարում էր տուն։

4. Կորյունը, Աստղիկն ու Տրդատը գրքեր էին կարդում։ Մեկը՝ ճամփորդության, մյուսը՝ տիեզերքի, իսկ երրորդը՝ սպորտի մասին։ Ով ի՞նչ գիրք էր կարդում, եթե Աստղիկը չէր կարդում սպորտի և տիեզերքի մասին, Իսկ Տրդատը՝ սպորտի մասին։
Աստղիկը կարդում էր ճամփորդության մասին, Կորյունը՝ սպորտի մասին, իսկ Տրդատը՝ տիեզերքի։

5. Սոնան, Մերին և Գոհարը ապրում էին տարբեր տներում։ Երկու տները 3 հարկանի էին, իսկ մեկը՝ 2 հարկանի։ Սոնան ու Գոհարը ապրում էին տարբեր տներում, Մերին ու Գոհարը ևս ապրում էին տարբեր տներում։ Ով որտե՞ղ էր ապրում։
Սոնան ու Մերին ապրում էին 3 հարկանի տներում, իսկ Գոհարը 2 հարկանի տանը։

6. Լևոնը Արամից բարձրահասակ է, իսկ Արամն ավելի բարձրահասակ է, քան Արսենը։ Ո՞վ է ամենաբարձրահասակը։
Ամենաբարձրահասակը Լևոնն է։

7. Ցանկապատի հետևում հավերը քուջուջ են անում։ Ես այնտեղ 6 հավի ոտք եմ տեսնում։ Քանի՞ հավ կա այնտեղ։
3 հավ

8. Կարենը թիվ է մտապահել։ Այն մեծ է 6-ից, բայց փոքր է 8-ից։ Ի՞նչ թիվ է մտապահել Կարենը։
7
9. Նկարիչը նապաստակ է նկարել։ Այդ նապաստակն ուներ գլուխ, երկու ականջ և երեք ոտք։ Արդյո՞ք ճիշտ է նկարել նապաստակին նկարիչը։
Նկարը սխալ է, քանի որ նապաստակը չի կարող ունենալ երեք ոտք։

10. Արևիկը նստած է քառակուսի սեղանի մոտ։ Ի՞նչ երկրաչափական պատկերի տեսք ունի սեղանը վերևից։
Քառակուսի

Կիսվել սոց. ցանցերում
| 

Մեկնաբանություն չկա

Մեկնաբանել

Գրեք պակասող թիվը Time limit is exhausted. Please reload CAPTCHA.