Երեխաների համար, երեխաների մասին

Հմուտ

Հավը ճուտիկների հետ

1

 

Անհրաժեշտ է՝
Դեղին, կարմիր, նարնջագույն, շագանակագույն և այլ գույների պլաստիլին, ծեփի գործիք

 

 

1. Հավի մարմինը

Պատրաստում ենք գունդ, թեթևակի սեղմում ու դեպի կողքեր ձգում։ Գլխի համար պատրաստում ենք համեմատաբար փոքր գունդ, պատրաստում ենք վիզը՝ գլանի տեսքով։ Գլուխը միացնում ենք մարմնին։

2

2. Պատրաստում ենք գլուխը
Դեղին փոքրիկ գնդիկից պատրաստում ենք հավի աչքը, որի մեջ սև փոքր կետի տեսքով տեղադրում աչքի բիբը։ Հավի կատարն ու կտուցը պատրաստում ենք կարմիր պլաստիլինից։ Կատարի համար գլանակ ենք պատրաստում, տափակեցնում այն և մի կողմից մատներով ալիքաձև նախշեր անում։ Կտուցը երկու փոքրիկ բուրգեր են կամ կոներ։

3
3. Հավիկի պոչն ու թևերը
Գնդեր ենք պատրաստում և սեղմելով տափակեցնում, մատներով ձև տալիս, ապա ծեփի գործիքի միջոցով թևերի վրա փետուրներ նկարում։

Ճուտիկները պատրաաստվում են նման կերպով, բայց առանց կատարի։ Կատար նրանք դեռևս չունեն։

4
4. Հավիկի վիզը
Հավիկի վիզը զարդարում ենք ժանյակներով։ Ճուտիկներինը պետք չէ զարդարել։

5
5. Տակդիրը
Գլանից կամ կոնից պատրաստում ենք հարմար տակդիրներ հավիկի ու ճուտիկների համար։

6
Պատրաստ է՝
7

Ծաղկային արևիկ

10

Այսօր պատրաստելու ենք գեղեցիկ կոմպոզիցիա, որը կանվանենք «Ծաղկային արևիկ»։ Այն կարելի է փակցնել պատին, կամ թելի օգնությամբ կախել որևէ տեղ, որտեղ արևը հաճախ ջերմացնում է իր ճառագայթներով։ Պտտվելով ու արևի ճառագայթներն արտացոլելով, մեր այսօրվա ստեղծագործությունը գարնանային ջերմություն կհաղորդի ձեզ։ Կարդալ

Կակաչներ կինդեր-ձվիկներից

Կինդեր-սյուրպրիզներ սիրում են բոլոր երեխաները։ Դրանց ձվիկներով կարելի է բավական հետաքրքիր բաներ պատրաստել։ Այսօր կպատրաստենք կակաչների գեղեցիկ փունջ. Կարդալ

Թուղթ ոլորելու՝ քվիլլինգի հնարքներն ու հիմնական ձևերը

Չափեք և կտրեք անհրաժեշտ երկարության 3մմ լայնությամբ թղթե երիզ։ Նրա մի ծայրը դրեք փաթաթելու գործիքի մեջ և խխունջի նման փաթաթեք։ Որպեսզի պարույրը ձիգ ստացվի, նրա ծայրը սոսնձեք՝ առանց գործիքի վրայից հանելու։ Կարդալ

Քվիլլինգի պատմությունը

Քվիլլինգը որպես արվեստ ի հայտ է եկել Եվրոպայում՝ 14-րդ դարի վերջին, 15-րդ դարի սկզբին։
Միջնադարյան Եվրոպայում միանձնուհիները նուրբ ու գեղեցիկ մեդալիոններ էին պատրաստում՝ ծտի փետուրի ծայրին ոսկեգույն եզրերով թղթե երիզներ փաթաթելու միջոցով։ Մոտիկից նայելու դեպքում այդ գեղեցիկ զարդերը թվում էր, թե պատրաստված են ոսկե շղթաներից։ Կարդալ

Քվիլլինգ (թուղթ ոլորելու) արվեստը

Այս բաժնում ձեզ կծանոթացնենք բավական հետաքրքիր մի տեխնիկայի՝ թղթե երիզների պարույրաձև պտտման միջոցով գեղեցիկ կոմպոզիցիաներ ստանալուն։ Այն կոչվում է քվիլլինգ (անգլերեն quilling-qull բառից, որը թարգմանվում է «ծտի փետուր»)։
Քվիլլինգը ձեռագործության պարզ ու շատ գեղեցիկ տեսակ է, որը մեծ ծախսեր չի պահանջում։ Քվիլլինգով զբաղվելու համար պետք չեն գա թանկարժեք ու հատուկ սարքեր։

1. Տարբեր լայնության թղթե ձողիկներ
Հիմնականում օգտագործվում են 3,4,6 և 10 մմ լայնությամբ թղթե ձողիկները։

2. Ձողիկներ պարույրաձև պտտելու հարմարանք
Այս գործիքի միջոցով պտտվեցվում են թղթե ձողիկները։ Ցանկության դեպքում այս գործիքը կարելի է սարքել ինքնուրույն՝ 10 սմ երկարությամբ փայտե կլոր բռնակից և մեծ անցքով գոբելենի ասեղից։ Ասեղի սուր ծայրն անհրաժեշտ է մտցնել փայտե բռնակի մի կողմը և աքցանի միջոցով ասեղի անցքը կտրել այնպես, որ այն ճեղքի վերածվի։
1
Նման սարքեր վաճառվում են ձեռագործի համար նախատեսված խանութներում։
2

3. Ունելի
Այն կարելի է ձեռք բերել խանութներից։ Ցանկալի է, որ այն ունենա հարթ ծայրեր։ Ունելիով բռնում են թղթե դետալները՝ սոսնձելու ժամանակ և դրա օգնությամբ այն փակցնում ստվարաթղթին։

3

4. Մկրատ
Հարմար է աշխատել փոքր, սուր ծայրերով մկրատով։ Այն պետք է սուր լինի։

5. Քանոն
Օգտագործվում է երիզի երկարությունը չափելու համար։

6. Ատամմաքրիչփայտիկներ
Կիրառվում է թղթե դետալի վրա սոսինձ քսելու համար։

7. Սպիտակ սոսինձ՝ էմուլսիա
Այդպիսի սոսինձ կարելի է ձեռք բերել տնտեսական խանութներից։ Սոսինձը չորանալուց հետո չպետք է հետք թողնի։ Անհրաժեշտ է օգտագործել նվազագույն քանակներով։

8. Ստվարաթուղթ
Սպիտակ ու գունավոր միաերանգ ստվարաթուղթ կարելի է ձեռք բերել գրախանութներից։

9. Տրաֆարետներ դետալների համար
Տարբեր տրամագծերով շրջանագծերով տրաֆարետներ կարելի է գնել գրախանութներից։

5